| 最近天氣變了 大家要著多件衫
最近生活愈黎愈忙,
mid-term岩岩完,之後有4個present,2個project,
考試愈黎愈近,要抽時間休息都幾難
最近身體愈黎愈差,成日會頭痛流鼻水,要注意先得
最近試左跳舞,好好玩
但奈何時間真係未抽到,
可唔可以等我考完試再跳?
最近返左顯理搵miss 食飯
都係得返足球隊既人認得我
下年就應該無曬
最近除左讀書,對任何事都好唔認真
笑下笑下就算數
最近精神分裂既情況好嚴重
唔知做咩角色先岩
一係好認真 一係唔識認真
仲未搵到平衡點
最近好似重複緊一年幾前既生活
希望結果唔會一樣
最近懶得汁身
岩岩落樓連頭都無洗
返學是但著就算
頭都唔再gel
最近無咩心事
所以同lin雞kel ciko都少左聯絡
當然時間都係重點
最近開始同班既人玩得好埋
自然而黎又係果d野
最近發現自己想象唔到將來
失去左夢想
讀商既原因只係為左錢,唔係為興趣而讀
但係為左錢係咪可以不顧一切?
無錯 我可以
最近好期待聖誕呢個假
希望各位朋友搞多d活動玩
唔想過lonely christmas
有朋友就夠 |
| |
| 壞習慣...總係喜歡將過去既事記低
怕以後唔記得
兩年前既同樣日子
放榜之後既第三日，我同so終於搞掂註冊既事
猶記得放榜囉住十二分，唔知點算好
同so首先去左報ive，之後唔甘心
下晝再去文理度搏下，可惜連表都唔肯派
果一晚，訓唔著
第二朝一早九點，就去左顯理度填表面試
仲好記得果日係著短褲，咁都肯收，真係多謝曬
係等消息期間，仲去左伊斯蘭，李福興，閩橋，桂華山，同蘇浙
呢d平時都會話係垃圾學校，但到呢個時候，一樣都要睇人面色
好彩既係，顯理最後都收左我地
新生訓練日，一去到第一時間就認得強仔呢個小學同學
仲入埋足球隊添。
我記得果日有幾個感覺
點解套校服咁樣衰
點解呢間學校咁低能
點解班同學咁細路
點解對面個肥仔係咁啤住我(呢個係donald黎=]我仲好記得我想打佢)
點解我班主任咁高咁靚 哈哈 真心話
男女校既生活，都幾難適應
特別係班女同學好快熟左，好鬼死嘈
班男仔又唔多講野，又唔係好玩得
所以頭半年時間我都係同足球隊既人玩
我一心諗住，係呢度捱兩年
咩人唔洗理讀到書畢業升大學就算數
返呢間學校簡直係自殺既行為（我係班入面講過)
直到聖誕聯歡同赤柱旅行
開始要我幫手搞班會既活動
先開始慢慢同自己班熟，玩得到
跟住之後個半年，發生左好多事
我認為我呢生最蠢最後悔既時間
好比心機讀書，好比心機咁哄人好
返教會，讀書，做低能既事
到暑假完左，我先醒返個人
或者，一切都唔屬於我
新學年開始，最後一年中學生活
一開始選擇對班既所有事都唔理
但慢慢，係miss tam既領導下
我呢位班會『學術』…要搞曬所有班活動…
環校跑，壁報，聯歡，聚會，旅行，甚至謝師宴
全部都有我份，諗返起都覺得好麻煩
不過都好既，盡可能令自己班玩得開心
有個回憶，呢個目標，我諗我達到左
AL既生活真係好辛苦
study leave之後，每日起身就係溫書，食飯，溫書
對完書，真係咩都唔想講，咩都唔想諗
有時間，只係想好好靜靜地休息下
未考，就擔心一陣唔識
考完，又擔心成績
壓力真係好大
不過幸好既係呢段時間有人比支持我捱過去
多謝
之後既謝師宴，見咁多位女仔著得咁靚
真係不枉我去左男女校=]
第一次做mc，算係不過不失
最估唔到既係，又會玩通頂
希望有機會再約大家再玩過
又一次放榜
今次真係好緊張好緊張
最後成績差，灰左成個星期
果種失望，絕望真係好難受
真係有一種處於谷底既感覺
果陣對呢個世界淨係覺得好悲觀
當然，我咁叻仔，好快就醒返曬
哈哈，多謝兄弟朋友們喇
真係無可否認，呢兩年我既生活係充斥著女人
得返黎既經驗，真係好多好多
以前同而家睇女人既方法已經唔同曬
當然，顯理兩年發生既事
都令我成熟左，睇野既角度都唔同左
呢段時間
比人出賣，背叛，眾叛親離
得到，失去，令人失望，傷害到人
做蠢事，做英雄，令人信任我
有好多事我諗呢一世我都唔會再做多一次
再遇到一次
感謝各miss既信任，對我既放任
不論我上堂幾貪玩，幾鐘意串老師
更多謝miss tam
放心比我搞活動，我相信呢種經驗對我將來一定好有用
愈搞而家都愈熟手…最後搞到小學聚會都交曬比我
(好麻煩呀orz)算喇，我反抗唔到，唯有享受其中
亦好多謝自己班既同學好相信我既人格
即使我唔反搏，大家仍然會支持我
那怕有人係背後唱我
呢兩年特別既地方
零八年，身邊好多人拍拖
零九年，一對又一對既人分手
愛情，真係好奇妙既事。無人估得到佢會點
珍惜？談何容易
兩年過了
得到既係一個又一個我唔會忘記既回憶
一班我仍然覺得唔成熟，但好好玩既同學仔
不變既係一班兄弟仍然係兄弟
顯理係一個溫室
係呢度可以好簡單，好warm
但同時會令人變得依賴
有得必有失 right?
過多大半個月，就要面對一個新既環境
我唔認為我呢種世界仔會好難適應
但麻煩既係社會既可怕，必然要加倍留神
否則死既會係自己
只希望一年後就可以升上大學
繼續實現我既夢想=] |
| |
| 今日 書展wif 發 noway 唔好意思-0-遲到添 夜晚 食糖水wif alson michelle tung 跟住吹水鋤dee到點幾 之後同alson食m記再返家 除非大型喜慶活動 否則不會再更新這裡=] let it be |
| |
| 訓醒...訓左3個鐘 頭仍然係痛得很 或者 唔應該太執著 過去左 就係過去左 記得d開心野就夠 原來要恨 比要愛難度高得多 |
| |
